Prynu’n lleol. Meddwl yn fyd-eang.

Er eu bod nhw’n flasus iawn, mae cymaint mwy i Gig Eidion Cymru na byrgyrs, stêcs a chinio dydd Sul – mae mor hyblyg! Darganfyddwch flasau newydd o bedwar ban y byd ar eich antur goginio gyda’n detholiad gwych o fwyd y byd. Chewch chi mo’ch siomi, mae hynny’n sicr.

Blasu’r byd o’ch cartref

Asiaidd

Mae Asia yn gyfandir enfawr, ac mae’n cynnig ystod eang o fwydydd. Awn ni ar daith trwy ddiwylliannau a bwyd o ryseitiau Dwyrain Asia fel pryd tro-ffio cig eidion tanbaid, cig eidion creisionllyd Tsieineaidd a chyri katsu cig eidion campus i is-gyfandir India lle rydym ni’n eich helpu i roi tro ar glasuron cyri cig eidion o rysáit madras cig eidion hyfryd i rendang cig eidion rhagorol.

Madras Cig Eidion Cymru

Asen Cig Eidion Cymru wedi ei rostio’n araf gyda sglein soi a thatws melys wedi ffrio gan Ludovic Dieumegard

Katsu Cig Eidion Cymru

Llygad yr asen o Gig Eidion Cymru gyda nwdls a kecap manis gan Hywel Griffith

Rendang Cig Eidion Cymru

Tsili crenshlyd Cig Eidion Cymru

Salad Asiaidd Cig Eidion Cymru a nwdls

Pad Thai Cig Eidion Cymru

Ffrengig

Gyda chanrifoedd o ddylanwadau coginio o bob cwr o’r byd, mae prydau bwyd Ffrengig modern yn gyfystyr â bwyd moethus a chogyddion o’r radd flaenaf. Dyma gartref nouvelle cuisine, mudiad sy’n canolbwyntio ar brydau ysgafnach, mwy ffres, ac mae gan Ffrainc lawer o fwydydd rhanbarthol traddodiadol hefyd. Rhowch gynnig ar glasuron fel steak au poivre neu ein rysáit bourguignon cig eidion – sydd lawn cystal mewn pastai llawn sbarion! – neu syniadau newydd fel ein goujons cig eidion.

Stêc Cig Eidion Cymru “au poivre” gan Bryan Webb

Bourguignon Cig Eidion Cymru

Pastai sbarion Cig Eidion Cymru bourguignon

Darnau o Gig Eidion Cymru mewn quinoa crensiog, gyda dipiau

Asennau byrion Cig Eidion Cymru mewn gwin coch a pherlysiau

Chasseur Stêc Cig Eidion Cymru

Eidalaidd

Mae bwyd Eidalaidd yn adnabyddus ledled y byd, ac mae’n canolbwyntio ar gynhwysion o safon a wneir yn dda felly beth well na’n Cig Eidion Cymru ni? Gyda phrydau clasurol, adnabyddus fel lasagne cig eidion, calzone a pizzas cig eidion, dyma fwyd da ar ei orau.

Lasagne Cig Eidion Cymru

Pizzas bychain Cig Eidion Cymru

Calzone Cig Eidion Cymru

Cawl pasta bolognese Cig Eidion Cymru

Baguette peli Cig Eidion Cymru

America Ladin

O tortillas cig eidion i tacos cig eidion, chimichurri i tsili cig eidion, mae bwyd America Ladin yn gweddu i bob chwaeth. Ychwanegwch rywbeth arbennig at eich bwydlen wythnosol gyda phastai enchilada neu beth am greu cinio dydd Sul amgen gyda burrito pwdin Swydd Efrog – gwych neu gwarthus, chi bia’r dewis!

Pastai enchilada brisged wedi ei rwygo Cig Eidion Cymru

Stecen sbawd frith (featherblade) Cig Eidion Cymru gyda chimichurri

Burrito Cig Eidion Cymru a phwdin Efrog

Tortillas blawd pob gyda briwgig Cig Eidion Cymru sbeislyd

Enchiladas Cig Eidion Cymru

Plât rhannu barbacoa Cig Eidion Cymru

Tsili Cig Eidion Cymru gyda thaten felys bob a salsa tomato

Gogledd America

Mwynhewch flasau Gogledd America gyda’n ryseitiau cig eidion barbeciw a gril blasus. Cig eidion wedi’i goginio’n araf yn llawn dop o flas, felly am ginio dydd Sul llawn steil neu ddanteithion i’w bwyta wrth wylio gêm bwysig, dywedwch “yeehaw” i’r prydau hyn!

Brisged Cig Eidion Cymru wedi’i goginio’n araf

Brisged Cig Eidion Cymru araf mewn saws cyfoethog a sticlyd

Sglodion brisged Cig Eidion Cymru llawn dop

Macaroni a chaws gyda Chig Eidion Cymru wedi’i dynnu

Byrgyr Cig Eidion Cymru gyda llysiau cudd

Byrger iach Cig Eidion Cymru

Byrgyrs Cig Eidion Cymru wedi’u malu gyda winwns crensiog tenau

Darnau llosg brisged Cig Eidion Cymru

Gweddill y byd

Mae’n fyd mawr! Er nad ydyn nhw’n ffitio i mewn i rai o’r categorïau uchod, allwn ni ddim anwybyddu’r danteithion hyn. Mae ein pryd koftas cig eidion yn deyrnged i fwyd Gogledd Affrica a’r Dwyrain Canol, gyda’r llysiau cudd yn berffaith i gadw’r bwytawyr mwyaf ffyslyd yn hapus, tra bod ein stroganoff cig eidion hawdd yn bryd cynnes perffaith â gwreiddiau Rwsiaidd.

Koftas Cig Eidion Cymru gyda llysiau cudd

Stroganoff Cig Eidion Cymru

Kofta bach Cig Eidion Cymru a bysedd gwrach

Goulash Cig Eidion Cymru

Deg awgrym ar gyfer eich antur goginio fyd-eang

Mae Cig Eidion Cymru mor hyblyg, ond bydd deall cyfansoddiad cig yn eich helpu i ddewis y dull gorau o goginio ar gyfer darn penodol. Mae cig sydd wedi’i aeddfedu am gyfnod hirach yn tueddu i fod yn dywyll ac yn gadarn ac mae’n llawn blas. Gall lliw y cig neu’r braster amrywio, ond nid yw hyn yn effeithio ar ansawdd y blas. Mae Cig Eidion Cymru ar gael yn helaeth mewn siopau cigyddion, siopau fferm ac archfarchnadoedd. I baratoi, coginio a mwynhau Cig Eidion Cymru ar ei orau, dilynwch ein hawgrymiadau:

Sicrhewch fod y cig ar dymheredd yr ystafell cyn ei goginio gan y bydd yn coginio'n fwy cytbwys yr holl ffordd drwyddo. Bydd hefyd yn coginio'n gyflymach ac yn colli llai o leithder, gan ei gadw'n frau ac yn suddlon.

Dewiswch ddarnau sy'n gweddu orau i'r pryd dan sylw. Mae darnau sydd ar yr asgwrn yn dargludo gwres ac yn ychwanegu blas, tra bydd gan ddarnau heb esgyrn haen o fraster dros yr wyneb fel arfer, a fydd yn toddi i ychwanegu blas a chadw'r darn yn suddlon.

Os ydych yn rhostio darn o gig eidion neu’n ffrio / grilio stecen, gorffwyswch y cig cyn ei weini gan ei fod yn caniatáu i ffibrau’r cig ymlacio a'r sudd i ddosbarthu'n gyfartal fel bod y cig yn suddlon ac yn frau.

Mae cynnwys brithder braster uchel fel arfer yn dangos bod y braster wedi’i ddosbarthu'n gyfartal drwy'r cig ac yn ychwanegu mwy o flas.

Paratowch eich marinâd ymlaen llaw, yn enwedig gyda darn mwy caled, gan ei fod yn gwneud gwahaniaeth go iawn. Bydd marinadu cig eidion am oriau neu fwy yn ei dyneru ac yn rhoi mwy o flas iddo.

Mae olew di-flas a niwtral fel olew blodyn haul, llysiau a hadau rêp yn gweithio'n dda wrth ffrio cig eidion ac mae'n ddoeth rhoi olew ar y cig cyn ei goginio.

Sesnwch cyn coginio – os ydych yn ychwanegu halen, coginiwch ar unwaith gan y gall dynnu lleithder o'r cig allan, gan ei wneud yn galetach. Fodd bynnag, mae'n well gan lawer hefyd sesno eu stêcs ar ôl coginio.

Mae darnau brau o gig eidion yn fwy addas ar gyfer coginio cyflym e.e. stecen ffiled, syrlwyn, ffolen, llygad yr asen, sbawd frith ac ati.

Ar gyfer dulliau coginio araf defnyddiwch ddarnau fel cig eidion i’w frwysio, coes las, bochau, cynffon ych a brisged.

Defnyddiwch thermomedr cig os ydych eisiau gwirio'n gywir a yw'r cig wedi'i goginio at eich dant.

Hang Fire Southern Kitchen

Dechreuodd Samantha Evans a Shauna Guinn Hang Fire Southern Kitchen fel stondin fwyd stryd barbeciw mewn arddull De UDA yng Nghaerdydd. Bellach wedi’i leoli yn y Barri, mae’r bwyty’n dibynnu’n llwyr ar gynnyrch ffres, moesegol ac mae’n cynnig clasuron bwyd Louisiana gan ddefnyddio gril Parrilla yr Ariannin a adeiladwyd yn arbennig iddyn nhw. Dyw cynnyrch o safon ddim yn ddieithr iddyn nhw (edrychwch ar eu rysáit Tagine Cig Oen Cymru) ac mae’n hen bryd i Gig Eidion Cymru gael ei goginio ar y gril!

Gwyliwch Samantha a Shauna yn coginio stecen Picañha a sawsiau a chonfennau gwych fel chimichurri, chermoula a harissa coch i fynd gyda hi.

Daw Picañha o ran frau iawn y ffolen a dyma’r cig a ffefrir ar gyfer ‘churrasco’ Brasilaidd – cig eidion wedi’i grilio. Mae’r darn yn dod yn fwyfwy poblogaidd mewn siopau cigyddion ac archfarchnadoedd, felly gellir ei fwynhau gartref yn eich churrascaria eich hun!

Rysait llawn

Y 10 cynhwysyn gorau gyda chig eidion

Gall Cig Eidion Cymru serennu mewn amrywiaeth o brydau a bwydydd. Beth am fod yn greadigol gyda pherlysiau a sbeisys, confennau, sawsiau a llysiau! Dyma ambell beth sy’n gweddu’n berffaith i Gig Eidion Cymru. Mae llawer mwy ar gael, felly byddwch yn greadigol!

Mwstard

Marchruddygl

Wasabi

Persli

Teim

Grawn pupur

Llaeth cnau coco

Coeden Anis

Gwin Coch

Sinsir

Brocoli

Madarch