Yn syml, stêc ‘sblennydd

Nid oes y fath beth ag ‘yr un stêc i bawb’.

Mae stêc yn hynod hyblyg, yn ddefnyddiol iawn i’w chael yn eich repertoire coginio, ac yn union fel ffrog fach ddu, gallwch ei gwisgo i fyny neu i lawr i weddu i’r achlysur. Mae’n ffordd wych o fod yn greadigol yn y gegin, ond cofiwch – pan mae’n dda mae’n dda a phan mae’n wael gall fod mor galed â gwadn esgid!

Darllenwch ambell awgrym a syniad am stêcs Cig Eidion Cymru gwych…

Sut ydych chi’n hoffi’ch un chi?

Gwaedlyd, canolig-gwaedlyd, wedi’i choginio’n dda neu rywbeth yn y canol? Mae’r ffordd y caiff stêc ei choginio bron bob amser yn destun anghytuno. Tra bod rhai yn ffeiddio at y syniad o stêc waedlyd sydd ‘bron yn cerdded oddi ar y plât’, gall eraill synnu at stêc sydd wedi’i choginio’n dda a bron â’i llosgi.

Pa un ydych chi?

220207-Social-media-Steak-graphic-CY-min

Stêcs syfrdanol o suddlon

Sleisen o gig eidion yw stêc yn y bôn, ond mae llawer o fathau ar gael yn dibynnu o ba doriad o gig eidion y daw. Mae gan bob stêc nodweddion amrywiol y mae angen eu hystyried wrth goginio ar gyfer y canlyniadau gorau. Edrychwch ar y mathau mwyaf poblogaidd o stêc isod a’n hawgrymiadau o ryseitiau.

Ffiled

Wedi’i thorri o waelod y cefn, ble mae’r cyhyr prin yn cael ei ddefnyddio, nid oes gan y stêc hon lawer o fraster ac ychydig iawn o frithder sydd iddi. Er gwaethaf ei thynerwch hynod feddal (a’i phris!) nid yw mor flasus â darnau eraill o stêc.

Wellington Cig Eidion Cymru gyda saws port a madarch

Ffiled Cig Eidion Cymru tonnau a’r tir gan Gareth Ward

Stêc Cig Eidion Cymru “au poivre” gan Bryan Webb

Syrlwyn

Mae gan y stêc hon, sydd wedi’i thorri rhwng yr asennau a’r ffolen, haen dda o frithder. Stêc sy’n llawn blas cig eidion ac yn dal yn dyner os caiff ei gorffwys yn ddigonol.

Stêc syrlwyn Cig Eidion Cymru gydag asbaragws, madarch, winwns a garlleg gwyllt gan Bryn Williams

Stêcs syrlwyn Cig Eidion Cymru wedi eu ffrio gyda thomatos bach y winwydden wedi eu rhostio, sglodion polenta, berwr a Parmesan gan Stephen Terry

Wagyu Cig Eidion Cymru, tomatos, mayonnaise mefus gwyrdd a siarcol Stephen Stevens

Chasseur Stêc Cig Eidion Cymru

Ffolen

Stêc sydd heb lawer o fraster o gwbl, wedi’i thorri o’r pen ôl, ond nid yw mor dyner â thoriadau eraill. Mae’n well ei marinadu cyn ei choginio.

Picanha Cig Eidion Cymru gyda chimichurri Asiaidd gan Hang Fire

Sbawd frith

Wedi’i thorri o’r ysgwydd, mae gan y stecen hon fraster brith da drwyddi draw. Mae’n dda ei choginio’n waedlyd i ganolig-gwaedlyd ac mae’n stêc ardderchog i’w grilio ar y barbeciw.

Stecen sbawd frith (featherblade) Cig Eidion Cymru gyda chimichurri

Llygad yr asen

Gyda digon o frithder, mae’r stêc hon yn cael ei thorri o’r asennau ac mae’n flasus iawn. Stêc tomahawk yw’r enw ar lygad yr asen ag asgwrn ynddi.

Stêc llygad yr asen Cig Eidion Cymru gyda madarch a chaws pob gan Matt Waldron

Llygad yr asen o Gig Eidion Cymru gyda nwdls a kecap manis gan Hywel Griffith

Hyfryd o hyblyg

Er bod stêc a sglodion yn bryd poblogaidd, oeddech chi’n gwybod y gallwch chi weini stêc mewn ffyrdd cyffrous eraill? Rhowch gynnig ar ein ryseitiau isod i roi tro yng nghynffon y stêc draddodiadol.

Katsu Cig Eidion Cymru

Stroganoff Cig Eidion Cymru

Darnau o Gig Eidion Cymru mewn quinoa crensiog, gyda dipiau

Salad Cig Eidion Cymru

Tsili crenshlyd Cig Eidion Cymru

Salad Asiaidd Cig Eidion Cymru a nwdls

Pad Thai Cig Eidion Cymru

Mae newid yn lles…

Mae mwy i stêcs na chig eidion. Ydych chi wedi rhoi cynnig ar stêcs Cig Oen Cymru? Mae’r stêcs suddlon a blasus hyn, o’r goes neu’r ffolen, yn hynod o hyblyg a blasus. Er mwyn trio rhywbeth newydd, rhowch gynnig ar y ryseitiau gwych hyn.