Sut i arbed arian gyda Chig Oen Cymru a Chig Eidion Cymru
Gyda chostau byw yn codi, gall gwybod ble i dorri costau a sut i gyllidebu yn unol â hynny fod yn her. Fodd bynnag, dylai ein hiechyd a’n lles fod yn brif flaenoriaeth bob amser.
Mae bwyd maethlon yn hanfodol ar gyfer iechyd da a dylem wastad ymdrechu i fwyta’n dda a phrynu’r bwyd gorau y gallwn ei fforddio.
Trwy addasu’r ffordd rydym yn cynllunio, coginio a siopa ar gyfer ein prydau, mae modd arbed arian ac amser, gan wneud y gorau o fwyd maethlon a blasus yn ein diet fel Cig Oen Cymru a Chig Eidion Cymru.
6 cyngor campus ar gyfer arbed ychydig o arian (ac amser!) heb golli allan ar y pethau da.
Cynllun prydau penigamp
Cynlluniwch yr hyn rydych yn bwriadu ei fwyta am yr wythnos, gan weithio o amgylch yr hyn sydd gennych yn barod. Prynwch y cynhwysion sydd eu hangen arnoch a dim byd arall. Pan fyddwch yn prynu cynhwysyn ffres ar gyfer un pryd, defnyddiwch ef eto ar gyfer pryd arall, gan arbed arian a lleihau gwastraff.
Beth sydd yn y cwpwrdd?
Archwiliwch eich cypyrddau, oergell a rhewgell yn rheolaidd fel eich bod yn gwybod yn union beth sydd gennych yn barod. Fel hyn gallwch osgoi prynu eitemau dyblyg! Mae hwn yn weithgaredd arbed arian hanfodol, a bydd yn gwneud cynllunio prydau bwyd a siopa yn llawer haws.
Byddwch yn siopwr craffach
Prynwch eitemau fel corbys, reis a phasta sych gan eu bod yn cadw am fisoedd. Mae ychwanegu corbys at gaserol neu tsili nid yn unig yn ychwanegu maetholion, ond hefyd yn rhoi swmp i’r pryd, gan wneud iddo fynd ymhellach. Gallwch hefyd brynu darnau rhatach o Gig Oen Cymru a Chig Eidion Cymru i dorri costau. Ceisiwch beidio â siopa ar stumog wag, a cheisiwch gadw at eich rhestr siopa!
Coginio clyfar
Dewiswch brydau cyflym i’w coginio ar yr hob yn hytrach nag yn y popty, neu defnyddiwch bopty araf, gan ddefnyddio llai o drydan. Os ydych chi'n defnyddio'r popty, ceisiwch goginio cymaint o fwyd ar yr un pryd fel nad yw'r gwres yn cael ei wastraffu - mae pobi pryd hambwrdd popeth-mewn-un yn ddelfrydol (llai o olchi llestri), a gallwch hyd yn oed goginio pwdin e.e. crymbl ffrwythau ar yr un pryd.
Rhowch gaead arno
Wrth goginio reis, pasta, nwdls, llysiau ac ati, rhowch gaead ar y sosban i'w gael i ferwi'n gynt. Mae sosban frys a ffrïwyr aer hefyd yn offer defnyddiol i gyflymu'r broses, gan ddefnyddio llai o ynni. Gwiriwch lawlyfr y gwneuthurwr bob tro.
Gwnewch ffrindiau gyda'ch rhewgell*
Mae coginio swp yn ffordd wych o arbed arian ac amser. Os ydych chi'n rhy brysur i goginio, mae cael ychydig o brydau rydych chi eisoes wedi'u paratoi a'u rhewi yn llawer iachach i chi, ac yn aml yn rhatach, na chael pryd parod wedi'i brosesu neu tecawê.
Bachwch fargen yn eich siop gigydd lleol
Mae’n werth ymweld â’ch siop gigydd lleol lle gallwch gael bargeinion gwych ac awgrymiadau a chyngor.
Gwddf Cig Oen Cymru
Mae ffiledau gwddf heb asgwrn yn wych wedi’u marinadu ar gyfer cebabs, wedi’u sleisio’n denau ar gyfer prydau tro-ffrio neu wedi’u torri’n giwbiau mân ar gyfer cyris.
Y Fron Cig Oen Cymru
Darn cymharol rad o gig oen sy’n cael ei ddefnyddio orau mewn stiw, neu mae’n aml yn cael ei ddiesgyrnu, ei stwffio, ei rolio a’i goginio’n araf. Fel arfer, caiff ei dynnu i wneud briwgig.
Cig Eidion Cymru
Brisged, stecen balfais a sbawd, cynffon ych, coes las a choes, ystlys las, sgert.
Swmp brynu
• Os oes gennych ddigon o le yn eich rhewgell, mae’n werth prynu hanner cig oen a’i rewi mewn darnau unigol. O hanner cig oen, gallwch ddisgwyl ysgwydd cig oen, rag cig oen, coes cig oen, gwddf a golwythion. Gallech ofyn i’r cyflenwr dorri’r darnau hyn yn ddarnau llai e.e. y goes yn 2 i 3 darn, a fydd yn gwneud i’r cig fynd ymhellach. Gall cynlluniau bocsys cig hefyd fod yn rhatach na phrynu swmp mewn archfarchnad.
Pryd i un?
• Os oes llawer o le yn eich rhewgell i storio cig dros ben, eich siop gigydd leol yw’r lle delfrydol i brynu meintiau llai o gig pan fyddwch ei angen. Gallwch hefyd brynu meintiau bach o gig mewn archfarchnadoedd.
Dewch o hyd i’ch siop gigydd Cig Oen Cymru a Chig Eidion Cymru agosaf yma.
Rhowch gynnig gartref
Gwnewch y gorau o Gig Oen Cymru a Chig Eidion Cymru gyda’n ryseitiau blasus. Yma fe welwch brydau pobi hambwrdd popeth-mewn-un, prydau sy’n wych i’w rhewi, prydau gwych ar gyfer y popty araf ac atebion cyflym i’w coginio ar yr hob.
Prydau pobi hambwrdd blasus
Ffolennau bach Cig Oen Cymru harissa wedi eu pobi mewn hambwrdd popty
Siancod kleftiko Cig Oen Cymru
Golwythion Cig Oen Cymru Hungry Healthy Happy wedi’u pobi yn y popty
Pryd popty golwython Cig Oen Cymru wedi’u carameleiddio a llysiau rhost
Hanner coes Cig Oen Cymru â sglein mêl gyda phannas a gellyg crensiog
Cig Oen Cymru â sglein balsamaidd gyda thatws rhosmari
Darnau darbodus
Plât rhannu barbacoa Cig Eidion Cymru
Darnau llosg Cig Eidion Cymru
Stiw cynffon ych Cig Eidion Cymru
Tsili talpiog Cig Eidion Cymru Kieran Hardy
Pastai stêc Cig Eidion Cymru a chwrw
Isel ac araf
Cig Eidion Cymru un ddysgl gyda chnau castan
Cobler Cig Oen Cymru Lavender and Lovage gyda thwmplenni sgons garlleg
Hotpot Cig Oen Cymru popty araf gan Supergolden Bakes
Tagine Cig Oen Cymru araf
Asennau byrion Cig Eidion Cymru mewn gwin coch a pherlysiau
Bourguignon Cig Eidion Cymru
Brisged Cig Eidion Cymru wedi’i goginio’n araf
Perffeithrwydd mewn padell
Cig Oen Cymru tanllyd y ddraig wedi’i dro-ffrio
Stecen sbawd frith (featherblade) Cig Eidion Cymru gyda chimichurri
Tsili melys Cig Oen Cymru
Salad Cig Eidion Cymru
Cig Oen Cymru gyda sinsir a shibwns wedi’i dro-ffrio
Brechdan Cig Eidion Cymru lwythog gyda mayonnaise radish poeth
Parseli tortilla tikka Cig Oen Cymru
Tsili crenshlyd Cig Eidion Cymru
Stêcs coes Cig Oen Cymru gyda chimichurri mintys
Byrgyr caws campus Cig Eidion Cymru Ansh
Salad poeth llawn lles Cig Oen Cymru
Chow mein Cig Eidion Cymru a llysiau Ken Owens
Salad Asiaidd Cig Eidion Cymru a nwdls
Rhyfeddodau ar gyfer y rhewgell
Pastai’r bugail â sbeis Morocaidd
Lasagne Cig Eidion Cymru
Cyri tatws melys Goaidd gyda Chig Oen Cymru
Stroganoff Cig Eidion Cymru
Cyri keema Cig Oen Cymru
Rendang Cig Eidion Cymru
Tikka masala Cig Oen Cymru
Bourguignon Cig Eidion Cymru
Jalfrezi Cig Oen Cymru
Madras Cig Eidion Cymru
Moussaka Cig Oen Cymru
Cawl pasta bolognese Cig Eidion Cymru
Goulash Cig Eidion Cymru
*AWGRYM
Dadmerwch fwyd dros ben yn drylwyr cyn ei ailgynhesu mewn microdon neu drwy ei adael yn yr oergell dros nos. Ailgynheswch y bwyd nes ei fod yn chwilboeth drwyddo. Dylai bwydydd sy’n cael eu hailgynhesu yn y microdon gael eu troi hanner ffordd drwodd, gan nad yw’r microdon yn gwresogi’n gyfartal. Dylid bwyta bwydydd o’r rhewgell o fewn 24 awr.