Siancen Cig Oen Cymru gyda Ras el Hanout, salad couscous cynnes, pomgranad a iogwrt mintys gan Ludo Dieumegard

Dull

Ychwanegu digon o bupur a halen a Ras el Hanout dros y siancen cig oen. Rhoi ychydig o olew mewn dysgl caserôl a serio’r cig ar bob ochr tan ei fod wedi brownio, yna ychwanegu cwpan o ddŵr, ei orchuddio gyda chlawr a’i roi yn y ffwrn am 5 awr ar 110°C / 90°C ffan / Nwy ¼.
Ar ôl 4 awr, edrych ar y cig oen a rhoi ciwb stoc cig oen yn y suddion coginio – ei adael i goginio am yr awr olaf heb y clawr.
Mewn powlen fawr, rhoi sudd lemon, olew olewydd a thyrmerig dros y couscous. Ychwanegu dŵr berw at lefel y couscous, ei orchuddio gyda ffilm cling a’i roi naill ochr am ryw 5 munud tan i’r dŵr gael ei amsugno, yna ei gymysgu gyda fforc.
Torri’r pupur, winwnsyn a’r courgette i mewn i giwbiau 1cm a’u ffrio tan eu bod wedi eu coginio a bod lliw da arnyn nhw. Eu hychwanegu at y couscous a chymysgu’n dda.
Torri’r winwns bach, coriander a mintys. Cymysgu’r iogwrt naturiol a’r saws mintys gyda’i gilydd mewn powlen fach.
I weini, rhoi’r couscous ar ochr y plat a’r siancen cig oen wrth ei ymyl. Sgleinio’r siancen gyda’r suddion coginio cyn ychwanegu’r perlysiau a’r hadau pomgranad, a’r iogwrt mintys.