Gallwch brynu pâst Rendang parod, neu roi cynnig ar wneud eich pâst eich hun. Mae’n hawdd iawn i’w wneud, a bydd gennych y rhan fwyaf o’r cynhwysion yn eich cwpwrdd storio yn barod!
- Gwnewch y pâst trwy roi’r holl gynhwysion mewn prosesydd bwyd a chymysgu’r cyfan i greu pâst llyfn.
- Tostiwch y cnau coco trwy eu gosod mewn padell ffrio sych a’u cynhesu, gan eu troi’n ddi-baid hyd nes y byddant yn troi’n lliw brown, euraid.
- Cynheswch yr olew mewn padell ffrio fawr neu ddysgl caserol. Ychwanegwch y coed anis, y ffyn sinamon a’r clofau a’u gadael i ffrio am funud ar wres canolig.
- Ychwanegwch y pâst a’r dail leim kaffirat y badell a’u troi am rai munudau.
- Ychwanegwch y cig eidion, y llaeth cnau coco a’r dŵr at y cymysgedd a dewch ag ef i’r berw, cyn gostwng y gwres a’i goginio am 1 awr a hanner i 2 awr.
- Ychwanegwch y siwgr, y sudd lemwn a 3 llwy fwrdd o’r cnau coco wedi’u tostio. Cymysgwch y cyfan cyn ei orchuddio â chaead a’i goginio am tua 30 munud. Ewch ati i’w droi bob hyn a hyn, a hynny hyd nes y bydd y cig yn dyner a’r pâst yn gymharol sych.
- Gweinir gyda phinsiad o’r cnau coco sy’n weddill. Pryd delfrydol i’w weini gyda reis wedi’i goginio, a salad tomato a choriander.