Amser grilio!
Gallwch chi goginio bron unrhyw beth ar y barbeciw, ond mae Cig Oen Cymru a Chig Eidion Cymru yn rhagori.
I’ch helpu i gael y gorau o’ch barbeciw, rydyn ni wedi llunio cyngor coginio campus ac wedi ychwanegu ryseitiau blasus i chi brofi eich sgiliau ar y griliau!
P’un a ydych chi’n ddechreuwr llwyr, neu’n giamster ar y gril, mae rhywbeth yma i bawb.
Felly byddwch yn barod i gael barbeciw bendigedig – unrhyw dro, bob tro!
Cyngor campus ar gyfer barbeciw perffaith
Yr offer hanfodol ar gyfer barbeciw llwyddiannus
Does neb eisiau colli darn blasus o gig rhwng y griliau, felly mae’n bwysig cael yr offer cywir. Gallwch chi ymestyn oes eich offer barbeciw trwy ei gynnal a’i gadw a gwneud yn siŵr ei fod yn lân.
Barbeciw
Nwy, trydan neu olosg traddodiadol
Offer â dolenni hir
fel gefel a ffyrc
Thermomedr cig
i ddarllen tymheredd yn gyflym ac yn gywir
Byrddau torri
defnyddiwch rai ar wahân ar gyfer bwydydd amrwd a bwydydd wedi'u coginio
Platiau a thaclau coginio
defnyddiwch rai ar wahân ar gyfer bwydydd amrwd a bwydydd wedi'u coginio
Menig da, cadarn
dewch o hyd i fenig cryf er mwyn coginio’n gyfforddus
Ffedog sy'n gwrthsefyll gwres
peidiwch â difetha eich dillad haf!
Gwleddoedd barbeciw blasus
Tywydd braf… diwrnod o haf… beth sy’n coginio ar eich barbeciw chi?
Prydau perffaith Cig Oen Cymru
Mae Cig Oen Cymru yn serennu ar y barbeciw. Gall gario llawer o flasau, felly cyn iddo daro’r gril, mae’n ddelfrydol wedi’i farinadu. Gallwch chi goginio byrgyrs neu olwythion yn syth ar y gwres, neu bydd coes neu ysgwydd yn coginio’n araf ar wres anuniongyrchol. Pa bynnag ffordd rydych chi’n ei goginio, bydd yn flasus iawn. Dyma ein hoff ryseitiau barbeciw i chi roi cynnig arnyn nhw.
Siancod kleftiko Cig Oen Cymru
Stêcs coes Cig Oen Cymru gyda chimichurri mintys
Cebabs Cig Oen Cymru gyda couscous ffeta a llysiau’r haf wedi’u golosgi
Lolipops Cig Oen Cymru Crensiog
Cebabau Cig Oen Cymru â sbeis sumac gyda couscous blodfresych
Coes Cig Oen Cymru gyda chnau coco, tsili a choriander
Byrgers Cig Oen Cymru a chaws ffeta
Byrgyrs Cig Oen Cymru gyda thomen o gaws pob
Koftas Harissa Cig Oen Cymru
Cebabs Cig Oen Cymru gyda phinafal, soi a tsili
Golwythion tandoori Cig Oen Cymru
Ryseitiau rhagorol Cig Eidion Cymru
Pa farbeciw gwerth ei halen sydd heb arddangosfa o fyrgyrs cig eidion yn coginio’n braf arno? O stêcs syfrdanol a byrgyrs bendigedig i frisged ffantastig a salad sitrws – dylai ein ryseitiau barbeciw Cig Eidion Cymru danio eich dychymyg. Rydyn ni hyd yn oed wedi cynnwys ryseitiau ar gyfer plant sy’n gwrthod bwyta llysiau!
Stecen sbawd frith (featherblade) Cig Eidion Cymru gyda chimichurri
Stêc syrlwyn Cig Eidion Cymru gydag asbaragws, madarch, winwns a garlleg gwyllt gan Bryn Williams
Salad Cig Eidion Cymru
Koftas Cig Eidion Cymru gyda llysiau cudd
Byrgyr Cig Eidion Cymru gyda llysiau cudd
Byrgyrs Cig Eidion Cymru wedi’u malu gyda winwns crensiog tenau
Brechdan stêc Cig Eidion Cymru Shawarma Simon Turner gyda dip iogwrt
Brechdan stêc wagyu Cig Eidion Cymru Llio Angharad a Nicky Batch gyda sglodion tenau a saws cwrw du
Brechdan stêc chipotle Cig Eidion Cymru gydag afocado wedi’i falu y Migrating Chef
Brisged Cig Eidion Cymru araf mewn saws cyfoethog a sticlyd
Picanha Cig Eidion Cymru gyda chimichurri Asiaidd gan Hang Fire
Cornel y cogyddion
Cyngor tanbaid gan Hywel Griffith...
Mae Hywel Griffith, prif gogydd bwyty Beach House, Oxwich yn ffan enfawr o Gig Oen Cymru. O ran coginio cig oen ar y barbeciw (neu mewn ysmygwr), mae Hywel yn credu ei fod yn ‘benthyg ei hun yn hollol berffaith’. Mae ysgwydd neu frest yn fwyaf addas ar gyfer coginio hirach ac arafach, tra gellir coginio’r pen gorau, rag cig oen a choesau yn ganolig-gwaedlyd – yn gyflym a thros wres uchel. (Mae’n well gan Hywel goginio coesau’n ganolig-da.) Gwyliwch Hywel yn creu’r Ysgwydd Cig Oen Cymru danbaid yma gydag ychydig o ysbrydoliaeth gan Fôr y Canoldir. Mwynhewch!
Grilio gwych! HILLS yn rhannu ambell gyfrinach danbaid...
Y gyfrinach i fyrgyr da yw ansawdd y cig, a chewch chi ddim gwell ansawdd na Chig Eidion Cymru. Dyna pam mae bwyty byrgyrs HILLS (a gyrhaeddydd rownd derfynol Gwobrau Byrgyr Cenedlaethol y DU) yn defnyddio dim byd ond briwgig Cig Eidion Cymru. Gwyliwch Owain Hill yn creu byrgyr sy’n ddigon da i’w weini mewn bwyty – y darnau o gig eidion a ddefnyddir yn y briwgig, a phwysau a thymheredd pob byrgyr cyn ei goginio sy’n bwysig – o, a bynsen gadarn dda i gofleidio’r byrgyr llawn sudd ‘na!
Byddwch yn feiddgar ar y barbeciw! Chris ‘Flamebaster’ Roberts a Black Axe Mangal sy’n dangos sut…
Os ydych chi eisiau gwneud rhywbeth ychydig yn wahanol gyda Chig Oen Cymru, rydych chi wedi dod i’r lle iawn. Ymunodd Chris ‘Brenin y Barbeciw’ Roberts (a’n Cig-gennad y llynedd) â’i ffrind a’i gyd-arbenigwr bwyd Lee Tiernan o fwyty Black Axe Mangal yn Llundain i greu cyfres o ryseitiau fideo unigryw.
Wedi’u ffilmio yng nghalon Eryri, mae Lee a Chris yn rhannu awgrymiadau coginio mewnol gyda’i gilydd wrth iddyn nhw greu pedair rysáit danllyd, flasus, gyffrous sy’n arddangos Cig Oen Cymru fel nad ydych erioed wedi’i weld o’r blaen.