Cynhwysion
- 600g stêcs coes Cig Oen Cymru PGI heb asgwrn, wedi ei dorri’n giwbiau.
- 2 llwy fwrdd saws soia golau
- Sudd 1 oren canolig
- Sudd 1 leim
- ½ llwy de haenau tsili coch
- ½ llwy de cwmin mâl
- ½ llwy de powdr garlleg
- ½ llwy de sinsir mâl
- ½ llwy de pupur du mâl
Ar gyfer y tzatziki:
- 120g iogwrt Groegaidd â llai o fraster
- 1/3 ciwcymbr, wedi ei haneru, ei sleisio, a thynnu’r hadau allan
- 1 llwy de mintys wedi sychu
I weini:
- 4 bara pitta
- 1 letysen ‘little gem’ wedi ei thorri’n fân
- 1 winwnsyn coch, wedi ei blicio a’i sleisio’n denau
- 1 lemon, wedi ei dorri’n hanner
15
Amser coginio
10
Amser paratoi
4
Yn gweini
- Rhoi’r cig oen mewn powlen fawr ac ychwanegu’r saws soia, sudd oren a leim.
- Rhoi’r sbeisys drosto a chymysgu’n dda. Ei orchuddio a’i fwydo am 10 munud, neu’n hirach yn yr oergell, os yw amser yn caniatáu.
- Gosod y ciwbiau o gig oen ar 4 sgiwer metal neu bren (ar ôl eu socian mewn dŵr am 20 munud).
- Coginio ar gril canolig neu ar farbeciw, a’u troi o dro i dro, am 15 munud, neu tan fo suddion y cig yn glir,
- Yn y cyfamser, paratoi’r tzatziki – cymysgu’r iogwrt, ciwcymbr a mintys mewn powlen ganolig.
- Twymo’r pittas, eu hanneru a rhannu’r letysen a’r winwnsyn coch rhyngddyn nhw. Gosod y cig oen ar y top, gwasgu’r sudd lemon drostyn nhw a’u gweini gyda’r tzatziki.
