Sgiwerau Cig Oen Cymru satay

1. Mewn powlen fawr, chwisgio’r menyn cnau, saws soia, sudd lemon, olew a’r powdr tsili tan eu bod wedi eu cymysgu’n dda.
2. Ychwanegu’r ciwbiau cig oen a chymysgu’n dda. Rhoi’r cig oen ar 4 sgiwer mawr metal neu bren (ar ôl eu socian mewn dŵr am 20 munud).
3. Eu coginio o dan gril canolig wedi ei ragdwymo neu ar farbeciw parod am 14 munud, gan eu troi hanner ffordd drwy’r amser coginio.
4. Gweini’r cebabs ar wely o reis wedi ei goginio a llysiau tymhorol.

Cyngor: mae socian sgiwerau pren am 20 munud cyn coginio yn eu hatal rhag llosgi o dan y gril neu ar y barbeciw.