- Cynheswch y popty ymlaen llaw i 200°C / 180°C ffan / Nwy 6. I baratoi’r crwst, rhowch y bara mewn prosesydd bwyd a’i friwsioni. Ychwanegwch y croen lemwn a’r perlysiau.
- I baratoi’r cig oen, rhiciwch y braster ar y rag. Cynheswch y badell nes mae’n boeth ac ychwanegwch yr olew. Ysgeintiwch y pupur du dros y rag a’i ffrio nes ei fod wedi brownio ar bob ochr.
- Tynnwch o’r badell yna taenwch y mwstard dros y braster ar y cig oen, ysgeintiwch y gymysgedd friwsionllyd a’r halen môr drosto a’i wasgu’n ysgafn fel bod y briwsion yn glynu yn y mwstard.
- Rhowch ar hambwrdd pobi a choginiwch am 20-25 munud os ydych chi’n hoffi’ch cig oen yn gymedrol/eithaf pinc, neu 30-35 munud os ydych chi am ei goginio’n dda.
- Gadewch iddo sefyll am 5-10 munud cyn torri’n gytledi unigol.
Rag Cig Oen Cymru gyda chrwst mwstard a pherlysiau
- Amser paratoi 10 mun
- Amser coginio 25 mun
- Ar gyfer 2
Bydd angen
- Rag Cig Oen Cymru PGI, esgyrn wedi’u twtio
- Pupur du a halen môr
- Olew
- 1½ llwy fwrdd o fwstard Dijon
Ar gyfer y crwst:
- 1 tafell drwchus o fara, wedi’i briwsioni
- 1 llwy fwrdd o rosmari ffres, wedi’i dorri
- 1 llwy fwrdd o deim ffres, wedi’i dorri
- 1 lemwn, croen wedi’i gratio
Gwybodaeth am faeth
- Ynni: 1461 KJ
- Calorïau: 349 kcals
- Braster: 19.8 g
- Sy’n dirlenwi: 8.2 g
- Halen: 2.5 g
- Haearn: 3.1 mg
- Sinc: 4.8 mg
- Protein: 36 g
- Ffeibr: 0.3 g
- Carbohydradau: 7.5 g
- Sy’n siwgro: 1 g