Cynhwysion
-
- 500g o gig oen Cymreig wedi’i falu
- 3 llwy fwrdd o gymysgedd sbeis Baharat*
- 150g o datws melys wedi’u coginio*
- ½ llwy de o halen môr
- Ar gyfer y feta wedi’i chwipio
- 130g o gaws bwthyn
- 200g o gaws feta
- Ar gyfer y saws gludiog
- 5 llwy fwrdd o surop pomgranad (molas)
- 200ml o stoc esgyrn (dewisol)
- I weini
- 4 llwy fwrdd o fintys neu goriander ffres, wedi’u torri
- 4-6 llwy fwrdd o hadau pomgranad
- 4-6 llwy fwrdd o gnau pistasio wedi’u torri
- 4 bara gwastad
- Olew olewydd, ar gyfer coginio os oes angen
15
Amser coginio
15
Amser paratoi
4
Yn gweini
- Yn gwneud tua 34 o beli cig bach:
- Yn gyntaf, gwnewch y feta wedi'i chwipio drwy gymysgu'r caws bwthyn a'r feta gyda'i gilydd mewn prosesydd bwyd nes eu bod yn llyfn. Os ydych chi'n defnyddio cymysgydd tal, efallai y bydd angen ychydig o ddŵr arnoch a chrafu'r ochrau ychydig o weithiau.
- Cymysgwch y cig oen wedi'i falu, y gymysgedd sbeis baharat, y tatws melys wedi'u coginio a'r halen môr gyda'i gilydd. Gan ddefnyddio eich dwylo, siapiwch y gymysgedd yn belenni cig bach, tua maint pêl ping-pong.
- Cynheswch badell fawr dros wres uchel a choginiwch hanner y pelenni cig nes eu bod yn frown.
- Trosglwyddwch nhw i blât ac ailadroddwch y broses gyda'r gweddill.
- Rhowch y badell yn ôl ar y gwres ac ychwanegwch y stoc esgyrn, gan ei ferwi nes ei fod bron yn debyg i surop. Os nad ydych chi'n defnyddio stoc esgyrn, ychwanegwch ychydig o ddŵr yn lle hynny. Cymysgwch y surop pomgranad i mewn a choginiwch am ychydig eiliadau nes ei fod yn gludiog ac yn debyg i surop.
- Rhowch y pelenni cig yn ôl yn y badell a'u troi i'w gorchuddio â'r saws gludiog blasus.
- Cynheswch y bara gwastad a'u gweini gyda'r pelenni cig, y feta wedi'i chwipio, mintys neu goriander ffres, hadau pomgranad a chnau pistasio wedi'u torri ar eu pen, os ydych chi'n eu defnyddio.
- * Dim baharat? Defnyddiwch 1½ llwy de o gwmin, 1 llwy de o goriander ac 1 llwy de o bupur pob-sbeis (allspice) yn lle hynny.
- * Y gyfrinach i belenni cig hynod feddal yw'r tatws melys wedi'u coginio. Mae'n hawdd rhoi un yn y popty wrth goginio rhywbeth arall. Os nad oes gennych chi unrhyw un, defnyddiwch 4 llwy fwrdd o sos coch heb siwgr a 50g o gaws mozzarella sych wedi'i gratio yn lle hynny.
