Mae ein taith goginio ar draws De Cymru yn parhau gyda stop hyfryd ym mhencadlys The Tidy Kitchen Company yng Nghaerdydd. Rydyn ni wedi bod yn treulio amser gyda rhai o gogyddion gorau’r genedl dros y misoedd diwethaf, yn eu herio i greu seigiau Cig Oen Cymru PGI blasus a fydd yn ysbrydoli cogyddion cartref ac sy’n arddangos blas ac amlbwrpasedd rhagorol Cig Oen Cymru. Ac yn sicr cododd Laura i’r her hon gydag nid un, ond dau rysáit anhygoel o Gig Oen Cymru.
Mae profiad coginio Laura Willett yn anhygoel o drawiadol! Ar ôl treulio bron i 8 mlynedd yn teithio’r byd yn gweithio fel cogydd preifat ar gychod hwylio a chartrefi preifat, aeth ymlaen wedyn i hyfforddi yn Ysgol Bwyd a Gwin Leiths yn Llundain cyn dychwelyd i Gaerdydd i fod yn agos at deulu a ffrindiau. Yma y dechreuodd The Tidy Kitchen Co ar ei thaith, gyda Laura yn angerddol i greu “hafan fwyd i fwytawyr planhigion a bwytawyr cig a physgod o ffynonellau cyfrifol” fel ei gilydd. Yn gyflym ymlaen at y presennol, ac mae gan The Tidy Kitchen Co bellach bencadlys yng nghanol Caerdydd, sy’n cynnig cyfleustra o safon a bwyd maethlon i fynd, yn ogystal â phecynnau corfforaethol a newydd ar gyfer 2025, dosbarthiadau coginio i grwpiau ac unigolion.
Mae angerdd Laura dros gyrchu cynhwysion lleol, maethlon sy’n dda i’r blaned yn ogystal â’ch iechyd yn golygu mai dim ond Cig Oen Cymru y mae’n ei brynu ar gyfer ei choginio.
“Un o’r pethau rydw i wir yn edrych amdano wrth siopa yw mai PGI yw’r cig oen rydw i’n ei brynu. Mae’n golygu bod yr elfen ansawdd ac olrheiniadwyedd yna ac mae’n flas gwych ac yn gig o ansawdd gwych.”
Ar wahân i flas ac ansawdd gwych Cig Oen Cymru, mae hefyd yn hynod amlbwrpas a gellir ei ddefnyddio mewn amrywiaeth o seigiau a all fwydo’r teulu cyfan. Mae hyn yn rhywbeth yr oedd Laura’n awyddus i’w arddangos gyda’i ryseitiau Cig Oen Cymru a baratowyd ar gyfer y dosbarth coginio hwn, gan ddefnyddio toriadau y gellid eu coginio’n gyflym ar gyfer prydau canol wythnos wych neu eu coginio’n araf ar gyfer gwleddoedd teuluol. Y cyntaf o seigiau Laura oedd pastai siancen Cig Oen Cymru swmpus gyda thatws hufennog a llysiau gwyrdd; y rysáit perffaith ar gyfer y bwyd cysur gorau!
Wrth siarad am y rysáit hwn, dywedodd Laura;
“Holl bwrpas y pryd hwn yw gadael i’r cig oen siarad.”
A waw, a wnaeth o! Wedi’i goginio’n araf i berffeithrwydd, disgynnodd y cig ysgafn a oedd wedi’i charameleiddio oddi ar yr asgwrn i greu llenwad moethus, swmpus ar gyfer y bastai siancen Cig Oen Cymru flasus hwn. Opsiwn wahanol i ginio rhost penwythnos arferol, dyma un y bydd y teulu cyfan yn ei fwynhau.
Nesaf i fyny oedd cebab Cig Oen Cymru blas cyri gyda salad ciwcymbr wedi’i falu ac iogwrt wedi’i drwytho a garlleg. Wrth weithio fel cogydd preifat, gofynnir yn aml i Laura greu ryseitiau llawn egni sy’n ymwybodol o’u hiechyd sy’n blasu’n wych ond sydd ychydig yn wahanol i’r arfer, ac mae’r rysáit cebab Cig Oen Cymru hwn yn ticio’r blychau i gyd. Mae’n faethlon ac yn hollol flasus, yn llawn blas, gwead a lliw i ychwanegu ychydig o ddiddordeb at eich repertoire prydau canol wythnos. Rydyn ni wrth ein bodd gyda’r rysáit ac rydyn ni’n eithaf sicr y gwnewch chithau ei fwynhau hefyd.
Pan ofynnon ni i Laura grynhoi beth oedd mor arbennig am Gig Oen Cymru, atebodd hi,
“Cig Oen Cymru yw’r blas gorau. Mae mor amlbwrpas a gallwch ei gael yn y gwanwyn, gallwch ei gael yn y gaeaf. Ond gallwch chi hefyd ei baru â gwahanol gynhwysion ac mae’n trosi’n dda i fwydo’r teulu trwy gydol y flwyddyn.”
Yn gwmws, Laura! Ni allem fod wedi dweud dim gwell ein hunain.
Am fwy o ysbrydoliaeth ryseitiau blasus sy’n arddangos hyblygrwydd rhyfeddol Cig Oen Cymru, ewch i’n tudalennau ryseitiau.