Cynhwysion
- 2 siancen Cig Oen Cymru
- 2 lwy fwrdd o olew
- Sesnin
- 1 Nionyn, wedi’i sleisio
- 3 ewin garlleg, wedi’u gratio
- 1 moron, wedi’i ddeisio’n fân
- 2 goes o seleri, wedi’u torri’n fân
- 300 ml o win coch
- 250 ml o passata
- 250 ml o stoc cyw iâr
- Brigau o deim a rhosmari ffres
- 2 ddeilen bae
- 25g o fenyn
I weini:
- Tatws stwnsh hufennog
- Brocoli
180
Amser coginio
20
Amser paratoi
2
Yn gweini
- Cynheswch y popty ymlaen llaw i 180°C neu ffwrn ffan 160°C. (Os ydych chi'n defnyddio'r popty araf, cynheswch ar osodiad isel).
- Cynheswch yr olew mewn padell ffrio ac ychwanegwch y cig. Ffriwch drwyddynt i gyd gan geisio cael lliw braf arnynt.
- Taenwch y sesnin drostynt.
- Tynnwch y siancod o'r badell ac ychwanegwch y winwnsyn, y foronen, y seleri a'r garlleg.
- Ffriwch am ychydig funudau nes eu bod wedi lliwio'n ysgafn.
- Ychwanegwch y gwin, y passata, y stoc a'r perlysiau a dod ag ef i'r berw.
- Rhowch y siancod mewn dysgl gaserol neu bopty araf a'u gorchuddio â'r cynnwys yn y badell.
- Coginiwch am 2 ½ awr – 3 awr nes bod y cig yn dyner neu hyd at 8 awr yn y popty araf.
- Pan fyddant yn dyner, tynnwch y cig yn ofalus o'r hylif a'u cadw'n gynnes.
- Cymysgwch gynhwysion y saws nes eu bod yn llyfn ac yn braf, ychwanegwch y menyn a'i droi drwyddo. Bydd y menyn yn helpu i roi llewyrch braf i'r saws.
- Gweinwch y siancen ar wely o datws stwnsh, brocoli ac arllwyswch y saws cyfoethog drosto.
More like this
Stêc Cig Eidion Cymru arddull Thai gyda dresin ‘Crying Tiger’ gan Frantic Feast
15
Gwledd Indiaidd Cig Oen Cymru gyda thatws Bombay, bhajis nionyn, reis sbeislyd a dip iogwrt mintys gan Frantic Feast
40
Siancod Cig Oen Cymru wedi’u brwysio gyda tsili guajillo a stwnsh pannas a rwden gan Rosie Birkett
195
