facebook-pixel

Cebab Cig Oen Cymru blas cyri gyda salad ciwcymbr wedi’i falu, iogwrt wedi’i drwytho â garlleg a bara fflat cynnes gan Tidy Kitchen Co.

  • Amser paratoi 30 mun
  • Amser coginio 30 mun
  • Ar gyfer 2

Bydd angen

  • Sgiwerau metel neu pren (gall rhai pren cael eu socio mewn dŵr fel nad ydynt yn llosgi) 

Marinâd:

  • 2 nionyn –wedi’i dorri’n fân
  • 6 llwy fwrdd o jam bricyll
  • 1 llwy fwrdd o siwgr demerara
  • 3 ewin garlleg – wedi’u gratio
  • 2 llwy fwrdd o powdr cyri
  • 25ml finegr brag
  • Halen a pupur i sesno

Cig Oen:

  • 300g coes cig oen heb asgwrn neu gwddf cig oen wedi’u deisio mewn i giwbiau maint modfedd
  • ½ calch ffres i wasgu drosodd ar ôl coginio

Salad ciwcymbr:

  • 1 ciwcymbr
  • 2 llwy fwrdd o finegr gwin gwyn
  • 1 llwy de o naddion tsili
  • ½ llwy de o hadau cwmin
  • Halen a pupur i sesno
  • Llond llaw o gnau daear – wedi’u dorri’n fras
  • Llond llaw o goriander– wedi’u dorri’n fras

Iogwrt garlleg:

  • 2 llwy fwrdd o iogwrt Groeg
  • 1 ewin garlleg – wedi’i malu
  • Lemwn – wedi’i gwasgu
  • Naan garlleg, bara gwastad neu tortilla
  • Dewisol – hadau nigella

Dull

Noson gynt – marinâd:

Ffriwch winwns mewn llwy fwrdd o olew llysiau, draeniwch a chymysgwch gyda’r holl gynhwysion uchod. Rhwbiwch i mewn i’r ddarnau cig oen a gadewch am 24 awr (neu bydd hanner awr yn ddigon os nid oes gennych amser)

Salad ciwcymbr:

Rhowch ciwcymbr i mewn i bag a bwrwch gyda rholbren nes bod darnau bach yn torri bant.

Mewn powlen, rhowch y ciwcymbr, 2 llwy fwrdd o finegr gwin gwyn, y tsili, cwmin, halen a pupur, cnau daear a’r coriander a cymysgwch yn ysgafn. Gadewch i drwytho tra byddwch yn coginio’r cig oen.

Cig Oen:

Rhowch y darnau cig oen ar sgiwer a chynhesu padell gril ar y stôf nes ei fod yn chwilboeth.

Rhowch gig oen wedi’i olewi ar y badell a choginiwch am 10 – 15 munud ar gyfer cig canolig – prin. Gorffennwch trwy wasgu dros ychydig o galch ffres

Iogwrt:

Cymysgwch yr holl cynhwysion a gwasgwch lemwn i flasu

I weini: 

Cynheswch eich naan / tortilla am 30 eiliad yn y microdon

Daliwch yn un llaw a rhowch y sgiwer cig oen i mewn, caewch eich dwrn a thynnwch gan adael y cig oen yn ei le. Gweinwch gyda salad ciwcymbr a’ch iogwrt garlleg

Chwistrellwch â mintys ffres, a choriander wedi’u torri’n fras. Hefyd, gweinwch gyda hadau nigella os ydych eisiau.

Ryseitiau tebyg

Share This