Does dim byd tebyg i ginio rhost Cig Oen Cymru neu Gig Eidion Cymru gyda’r trimins i gyd. Does dim curo chwaith ar bryd swmpus o bourguignon Cig Eidion Cymru gyda thatws stwnsh poeth neu bastai’r bugail Cig Oen Cymru â saws Morocaidd sbeislyd. Fodd bynnag, oeddech chi’n gwybod y gallech chi hefyd fwynhau ochr ysgafnach Cig Oen Cymru a Chig Eidion Cymru heb gyfaddawdu ar y blas? Mae’r dudalen hon yn llawn dop o brydau ysgafnach ac yn dangos i chi pa mor hyblyg yw Cig Oen Cymru a Chig Eidion Cymru. Isod, rydym yn cynnig rhai awgrymiadau ar gyfer bwyta'n iachach yn ogystal ag ychydig o ysbrydoliaeth ryseitiau blasus.   Bwyta’n ysgafnach, teimlo’n brafiach Mae llawer o fanteision i fwyta prydau ysgafnach, yn enwedig gyda’r nos pan fydd ein cyrff yn paratoi i ymlacio. Mae’r buddion hyn yn cynnwys gwell cwsg, treuliad, metaboledd, ffocws, a rheolaeth ar bwysedd gwaed. Mae cig coch heb lawer o fraster, sy’n cael ei fwyta’n gymedrol ac fel rhan o ddiet iach a chytbwys, yn opsiwn gwych ar gyfer bwyta’n ysgafnach, gan sicrhau ein bod yn cael digon o’r fitaminau a’r mwynau hanfodol sydd eu hangen ar ein cyrff.

1. Bwytewch broteinau yn gynharach yn y dydd| Mae cig coch yn ffynhonnell naturiol a rhagorol o brotein, a all helpu I leihau teimladau o fod yn llwglyd a lleihau cymeriant egni cyffredinol.
2. Rhowch hwb I’ch statws haearn| Mae cig coch yn ffynhonnell gyfoethog o haearn, sy’n helpu I leihau blinder a llesgedd. Gall bwyta cig coch heb lawer o fraster ynghyd â digon o lysiau gwyrdd roi hwb I’n statws haearn.
3. Cadwch bethau’n ysgafn ac yn gynnar | Gall bwyta pryd ysgafnach gyda’r nos, heb fod yn rhy agos at amser gwely, helpu ein cyrff I dreulio bwyd a defnyddio’r maetholion yn fwy effeithiol.
4. Bwytewch frasterau da yn gynharach yn y dydd | Mae braster yn ffynhonnell egni ac yn darparu asidau brasterog hanfodol na all y corff eu creu a rei ben ei hun. Mae cig coch sy’n cael ei fwydo gan laswellt yn cynnwys Omega 3, sy’n hanfodol ar gyfer iechyd yr ymennydd.

  Syniadau ac awgrymiadau i gadw pethau’n ysgafn Os nad yw hi’n fawr mae hi’n ddigon …Mae hyn yn wir o ran faint o fwyd rydych chi’n ei roi ar eich plât. Bydd rheoli dognau nid yn unig yn eich helpu i fonitro eich cymeriant, ond mae hefyd yn golygu y gallwch gadw’r sbarion i’w mwynhau ryw ddiwrnod arall!   Prydau ochr Mae llysiau gwyrdd a salad yn ychwanegiadau perffaith, yn enwedig yn ystod misoedd cynhesach yr haf. Gallwch barhau i fwynhau lasagne Cig Eidion Cymru neu bastai pasta ragu Cig Oen Cymru – beth am gyfnewid sglodion neu fara garlleg am rywbeth ysgafnach fel salad neu lysiau gwyrdd.   Casgliad o ryseitiau Rydyn ni wedi creu casgliad o rai o’n hoff ryseitiau sy’n ysgafnach ond sy’n dal yn llawn dop o flas unigryw Cig Oen Cymru a Chig Eidion Cymru. O brydau ysgafn Cig Oen Cymru i ryfeddodau hyfryd Cig Eidion Cymru – mae ‘na ddigon o ddewis.   Saladau ‘sblennydd [caption id="attachment_7611" align="alignleft" width="300"] Salad poeth llawn lles Cig Oen Cymru[/caption]                 [caption id="attachment_7645" align="alignleft" width="300"] Cig Oen Cymru gyda salad ffa llydan, betys a ffeta[/caption]                 [caption id="attachment_7604" align="alignleft" width="300"] Salad Cig Eidion Cymru[/caption]                 Ambell beth bach blasus [caption id="attachment_7618" align="alignleft" width="300"] Medaliynau Cig Oen Cymru crimp yn null Peking[/caption]                 [caption id="attachment_7619" align="alignleft" width="300"] Lolipops Cig Oen Cymru crensiog[/caption]                 [caption id="attachment_7630" align="alignleft" width="300"] Asennau gludiog o Gig Oen Cymru[/caption]                 Prydau perffaith [caption id="attachment_8290" align="alignleft" width="300"] Crempogau Cig Oen Cymru[/caption]                 [caption id="attachment_7610" align="alignleft" width="300"] Pitsa Cig Oen Cymru a phesto gyda ffeta[/caption]                 [caption id="attachment_7603" align="alignleft" width="300"] Pitsas bychain Cig Eidion Cymru[/caption]                   Prydau tro-ffrio a chyrris [caption id="attachment_7602" align="alignleft" width="300"] Katsu Cig Eidion Cymru[/caption]                 [caption id="attachment_7617" align="alignleft" width="300"] Cig Oen Cymru tanllyd wedi'i dro-ffrio[/caption]                 [caption id="attachment_7615" align="alignleft" width="300"] Tsili crenshlyd Cig Eidion Cymru[/caption]                   Rhywbeth rhyfeddol [caption id="attachment_7626" align="alignleft" width="300"] Rag Cig Oen Cymru gyda chrwst mwstard[/caption]                 [caption id="attachment_7621" align="alignleft" width="300"] Stecen sbawd frith Cig Eidion Cymru gyda chimichurri[/caption]                 [caption id="attachment_7623" align="alignleft" width="300"] Coes Cig Oen Cymru gyda chnau coco, tsili a choriander[/caption]                   Rhagor o awgrymiadau ar goginio gyda Cig Oen Cymru I gael rhagor o awgrymiadau ar sut i goginio’n iach gyda Chig Oen Cymru a Chig Eidion Cymru, ewch i’n tudalennau Iechyd.