Coes cyfan cig oen Cymru wedi’i stwffio â selsig, pistasio, rhosmari a bricyll



Method

  1. Twymwch eich popty ymlaen llaw i Nwy 4, 180˚C, 350˚F. Amseroedd coginio Cymedrol: 25 munud fesul 450g (1 pwys) a 25 munud arall Coginio’n dda: 30 munud fesul 450g (1 pwys) a 30 munud arall
  2. Twymwch ychydig o olew mewn padell a choginiwch y winwns a’r garlleg yn ysgafn nes eu bod wedi meddalu. Yna, rhowch nhw mewn powlen i oeri ychydig.
  3. Cymysgwch y briwsion bara, y bricyll, cig selsig a’r cnau yn dda. Gwasgwch gyda’ch dwylo i greu siâp selsigen fawr gyda nhw.
  4. Rhowch y goes cig oen ar fwrdd torri ac ‘agorwch’ y cig i greu lle ar gyfer y stwffin. Ar ôl ei agor, stwffiwch ac ychwanegwch y sbrigynnau rhosmari, yna caewch y cig yn sownd gyda llinyn gwrth wres.
  5. Nawr pwyswch y cig a chyfrifwch yr amser coginio (gweler uchod).
  6. Rhowch y cig mewn tun rhostio, ychwanegwch bupur a halen ac ysgeintio ychydig o olew olewydd drosto.
  7. Ar ôl i’r cig goginio, tynnwch o’r popty a’i adael i orffwys am tua 10 munud cyn dechrau cerfio – cofiwch gadw’r suddion i wneud grefi neu saws blasus.
  8. Mae’n bryd i chi baratoi’r saws. Rhowch y bricyll mewn jwg fawr a defnyddiwch gymysgydd llaw i greu piwrî. Tywalltwch y suddion cig i sosban fach, codi i’r berw cyn ychwanegu’r brandi. Unwaith mae’r saws yn ffrwtian, ychwanegwch y piwrî, y bricyll a’r siwgr, a’i dwymo drwyddo.
  9. Gweinwch y cig oen gyda’r stwffin, y saws a’r holl drimins.

Recipe Information

Serves 6
Calories 451 kcals
Cooking Time

Bydd Angen

  • 1 goes cig oen Cymru
  • 15ml (1 llwy fwrdd) o olew
  • 1 winwnsyn, wedi’i dorri’n fân
  • 1 ewin garlleg, wedi’i wasgu’n fân
  • 50g (2 owns) o friwsion bara sych
  • 75g (3 owns) o fricyll sych, wedi’u torri’n fras
  • 6 selsig porc neu gig oen, heb eu crwyn
  • 50g (2 owns) o gnau pistasio, wedi’u plicio a’u torri’n fras
  • 3 sbrigyn mawr o rosmari ffres
  • Olew olewydd
  • Pupur a halen

Ar gyfer y saws bricyll:

  • Tun 400g o fricyll mewn sudd naturiol, wedi’i ddraenio
  • 45ml (3 llwy fwrdd) o frandi
  • Pinsied o siwgr

Gwybodaeth am faeth

  • Calorïau 451 kcal
  • Egni 1886KJ
  • Braster 24g
  • Braster Dirlawn 7.0g
  • Halen 2g
  • Haearn 3.2g
  • 5-y-dydd 0.5