Stêcs coes Cig Oen Cymru wedi’u coginio yn y badell gyda sbeisys mâl



Method

  1. Rhowch y stêcs cig oen mewn dysgl isel. Malwch yr hadau, sinsir a’r tsili’n fân gyda’i gilydd cyn tywallt olew olewydd drostynt. Rhowch y stêcs yn y gymysgedd a’u gorchuddio’n llwyr. Gadewch y cig i amsugno’r holl flasau am 20 munud os oes modd.
  2. Rhowch holl gynhwysion y saws afal mewn padell, rhowch gaead arni, a’u gadael i fudferwi am ryw 10 munud nes bod yr afalau’n feddal.
  3. Twymwch badell ffrïo neu radell nes ei bod yn boeth iawn. Ychwanegwch y stêcs a’u coginio am 4-5 munud bob ochr nes eu bod yn frown.
  4. Gadewch y stêcs i orffwys am ychydig, gyda thalp o fenyn ar eu pen.
  5. Gweinwch y stêcs gyda sbrowts wedi’u tro-ffrïo (tro-ffrïwch sbrowts mewn mymryn o olew sesame wedi’i gymysgu ag olew llysiau, ychwanegwch dalp o fenyn ar y diwedd a’u gweini) a saws afal. Mwynhewch gwtsh ar y soffa wedyn.

Recipe Information

Serves 2
Calories 393 kcals
Cooking Time

Bydd Angen

  • 2-4 stêcs tennau coes Cig Oen Cymru
  • 5g (1 llwy de) o hadau coriander
  • 5g (1 llwy de) o hadau cwmin
  • 1.23cm (½") o wreiddsinsir, wedi’i blicio a’i dorri’n fân
  • 1 tsili gwyrdd wedi’i dorri, heb yr hadau
  • 5ml (1 llwy de) o olew olewydd
  • Talp o fenyn

Saws afal sbeislyd sydyn:

  • 2 afal coginio, wedi’u plicio a’u torri
  • Talp o fenyn
  • 5g (1 llwy de) o gwmin mâl
  • 30g (2 lwy fwrdd) o siwgr mân
  • ½ lemwn, y sudd a’r croen
  • Pinsiad o hadau cwmin

Gwybodaeth am faeth

  • Calorïau 393 kcal
  • Egni 1649KJ
  • Braster 21g
  • Braster Dirlawn 10g
  • Halen 0.4g
  • Haearn 3.4g
  • 5-y-dydd 1