Pastai Bwthyn Talpiog Nadoligaidd Cig Eidion Cymru



Method

  1. Cynheswch y ffwrn ymlaen llaw i Farc Nwy 4, 180°C, 350°F.
  2. Cynheswch yr olew mewn dysgl gaserol fawr â chaead a all wrthsefyll gwres y ffwrn. Ychwanegwch y winwns trwchus a'u coginio am 1-2 funud.
  3. Ychwanegwch y ciwbiau Cig Eidion a'u brownio. Ychwanegwch y garlleg, cnau castan, blawd, sôs coch, stoc, cwrw, siwgr, sbeis a halen a phupur. Dewch â'r cymysgedd i'r berw, rhowch gaead neu ffoil drosto a'i roi yn y ffwrn am 2 awr nes bod y cig yn frau.
  4. Rhowch y tatws wedi'u paratoi mewn sosban fawr, rhowch ddigon o ddŵr berw drostynt i'w gorchuddio a'u mudferwi'n gyflym gyda'r caead drostynt am 10-15 munud nes eu bod yn feddal.
  5. Draeniwch y tatws a'u stwnsio gydag ychydig o laeth. Cynheswch y menyn mewn sosban fach a choginiwch y winwns coch yn araf am 2-3 munud, ychwanegwch y siwgr a choginiwch y cymysgedd nes ei fod wedi'i garameleiddio a brownio.
  6. Ychwanegwch y winwns at y tatws stwnsh a'u cymysgu'n dda. Tynnwch y Cig Eidion o'r ffwrn, gwasgarwch y dail teim drosto a thaenwch y tatws stwnsh ar ei ben. Rhowch yn ôl yn y ffwrn am tua 20 munud nes bod y tatws stwnsh yn euraidd.

Recipe Information

Serves 6
Calories 450 kcals
Cooking Time

Bydd Angen

  • 900g (2 bwys) O stêc frwysio Cig Eidion Cymru heb lawer o fraster,wedi'i thorri'n giwbiau
  • 15ml (1 llwy fwrdd) O olew
  • 2 Winwnsyn coch, wedi'u plicio a'u torri'n ddarnau
  • 1 Ewin garlleg, wedi'i falu
  • 100g (4 owns)O gnau castan mewn tun
  • 15ml (1 llwy fwrdd) O flawd
  • 15ml (1 llwy fwrdd) O sôs coch
  • 150ml (¼ peint) O stoc cig eidion
  • 150ml (¼ peint) O gwrw
  • 5ml (1 llwy de) O siwgr brown tywyll
  • Pinsiad o bupur Jamaica (allspice)
  • Halen a phupur
  • 900g (2 bwys) O datws, wedi'u plicio a'u torri'n giwbiau bach
  • Ychydig o laeth ar gyfer y tatws stwnsh (tua 100ml)
  • 1 Winwnsyn coch, wedi'i sleisio
  • 25g (1 owns) O fenyn
  • 5ml (1 llwy de) O siwgr brown meddal
  • 15ml (1 llwy fwrdd) O deim ffres, wedi'i dorri

Gwybodaeth am faeth

  • Calorïau 450 kcal
  • Egni 1892KJ
  • Braster 14g
  • Braster Dirlawn 5.4g
  • Halen 1.5g
  • Haearn 5.2g
  • 5-y-dydd 0.5