Pastai Cig Eidion Cymru a llysiau'r wlad



Method

  1. Twymwch y popty i farc nwy 4-5, 180°C, 350°F.
  2. Twymwch yr olew mewn sosban a browniwch y ciwbiau cig eidion gyda'r winwnsyn a'r garlleg am 4-5 munud.
  3. Ychwanegwch y cynhwysion eraill i gyd heblaw'r crwst a dewch â'r cyfan i'r berw. Rhowch y cymysgedd mewn dysgl darten fawr sy'n dal gwres.
  4. Rholiwch y crwst pwff yn ddigon mawr i orchuddio'r ddysgl darten.
  5. Gwlychwch ymyl y ddysgl gydag ychydig o ddŵr a rhowch y crwst ar ben y cymysgedd cig, tociwch unrhyw grwst sydd dros ben a gwasgwch yr ochrau'n ysgafn i'w selio. Brwsiwch gyda'r wy wedi'i guro a'r llaeth a rhowch y ddysgl mewn ffwrn wedi'i thwymo'n barod am tua 1½-2 awr, gorchuddiwch â ffoil pan fo'r crwst wedi codi ac yn euraid, fel nad yw'n llosgi.
  6. Gweinwch gyda llysiau gwyrdd wedi eu stemio a mwy o grefi os dymunwch.

Recipe Information

Serves 4
Calories 797 kcals
Cooking Time

Bydd Angen

  • 450g (1lb) ciwbiau brwysio cig eidion Cymru coch
  • 15ml (1 llwy fwrdd) olew
  • 1 winwnsyn, wedi'i dorri'n dalpiau
  • 2 ewin garlleg, wedi eu gwasgu
  • 2 sbrigyn teim ffres
  • 2 sbrigyn rhosmari ffres
  • 8 moronen fach, wedi eu sgwrio a'u gadael yn gyfan
  • 2 banasen, wedi eu pilio a'u torri'n dalpiau
  • 225g (8oz) squash neu daten felys, wedi ei philio, yr hadau wedi eu tynnu a'i thorri'n giwbiau
  • 50g (2oz) haidd gwyn
  • 300ml (½pt) isgell eidion
  • 15ml (1 llwy fwrdd) gronynnau grefi
  • Halen a phupur
  • 500g crwst pwff
  • Wy wedi'i guro a llaeth

Gwybodaeth am faeth

  • Calorïau 797 kcal
  • Egni 3338kj
  • Braster 41.4g
  • Braster Dirlawn 16.9g
  • Halen 3.18g
  • Haearn 5.78mg
  • 5-y-dydd 1