Torth Cig Oen Cymru i’r haf



Method

  1. Twymwch y popty i Farc Nwy 3, 160ºC, 325ºF
  2. Rhowch y dafell o fara, y garlleg, y pupur a halen a’r perlysiau yn y prosesydd bwyd, a throi’r cyfan yn friwsion mân. Rhowch nhw mewn powlen fawr ac ychwanegwch y briwgig.
  3. Cymrwch ddysgl bobi neu dun bara 1 litr neu 2 beint, a rhoi 3-4 sleisen o facwn ar y gwaelod.
  4. Ychwanegwch y sbrigynnau teim persawrus a llenwi’r ddysgl â hanner y cymysgedd cig amrwd.
  5. Nawr, rhowch y 3 wy wedi’u berwi’n galed ar ben y cig, ac yna rhoi’r cennin ar eu hyd ar ben yr wyau.
  6. Rhowch weddill y gymysgedd cig amrwd drostynt, a’i wasgu’n ysgafn fel ei fod yn llenwi pob twll a chornel o’r ddysgl, yna gorchuddiwch y cyfan gyda 3-4 sleisen arall o facwn.
  7. Llenwch hanner tun rhostio gyda dŵr berwedig, a rhowch y ddysgl bobi yn ei ganol, â’i orchuddio â ffoil.
  8. Rhowch y cyfan yn y popty cynnes, a’i goginio am ryw awr tan i’r gymysgedd setio a choginio drwodd – yna’i dorri’n dafellau mawr a’i weini.

Recipe Information

Serves 8
Calories 222 kcals
Cooking Time

Bydd Angen

  • 550g (1¼lb) o friwgig Cig Oen Cymru difraster
  • 8 tafell o facwn rhesog mwg derw
  • 1 dafell o fara gwyn trwchus (sy’n pwyso tua 50g, 2oz)
  • 2 glof o arlleg, wedi’u gwasgu
  • Pupur a halen
  • Dail 1 sbrigyn o deim ffres a sbrigynnau ychwanegol ar gyfer y tun
  • 3 wy wedi’u berwi’n galed
  • Darn bach o fenyn
  • 1 genhinen wedi’i thorri’n chwarteri ar ei hyd

Gwybodaeth am faeth

  • Calorïau 222 kcal
  • Egni 926KJ
  • Braster 14g
  • Braster Dirlawn 5.4g
  • Halen 1.4g
  • Haearn 1.9g
  • 5-y-dydd 0