Stêcs Cig Eidion Cymru mewn briwsion crimp wedi’u coginio mewn padell, gyda mayonnaise rhuddygl poeth



Method

  1. *Os nad yw'r stêcs yn denau iawn, rhowch nhw ar ford a'u taro'n fflat gyda rholbren.
  2. Cymerwch 3 plât bychan a rhoi'r blawd blasus ar un, yr wy wedi'i guro ar yr ail a briwsion ar y trydydd. Ychwanegwch y croen lemwn a'r perlysiau mân at y briwsion.
  3. Cymerwch bob stecen a gwasgu'r ddwy ochr yn y blawd yna'r wy, ac yna'r briwsion. Twymwch badell ffrio fawr ac ychwanegu'r olew.
  4. Rhowch y stêcs yn y badell a'u coginio am 3-4 munud bob ochr nes bo'r briwsion yn euraid a chrimp, a nes bo'r cig wedi'i goginio drwyddo ond yn dal i fod yn suddog.
  5. Cymysgwch y mayonnaise, y rhuddygl poeth a'r gwasgiad o sudd lemwn ynghyd.
  6. Gweinwch y stêc yn eich hoff fara neu ar ben salad cymysg ffres gyda llond llwy o mayonnaise rhuddygl poeth.

Recipe Information

Serves 4
Calories 476 kcals
Cooking Time

Bydd Angen

  • 4-6 stecen cig eidion Cymru wedi'u torri'n denau iawn e.e. stecen ffolen neu stêc ffrïo cyflym*
  • 30ml (2 lwy fwrdd) blawd gyda halen a phupur du ynddo
  • 1 wy, wedi'i guro'n ysgafn
  • 1 lemwn, wedi tynnu'r croen (cadwch y sudd ar gyfer y mayonnaise)
  • 50g (2oz) briwsion bara ffres
  • 30ml (2 lwy fwrdd) perlysiau ffres cymysg - persli, dil, basil a mintys, wedi'u torri'n fân Halen a phupur
  • 30ml (2 lwy fwrdd) olew
  • 45ml (3 llwy fwrdd) mayonnaise
  • 15ml (1 llwy fwrdd) saws rhuddygl poeth hufennog
  • Gwasgiad o sudd lemwn

Gwybodaeth am faeth

  • Calorïau 476 kcal
  • Egni 1986kJ
  • Braster 32g
  • Braster Dirlawn 6.0g
  • Halen 1.4g
  • Haearn 4.2g
  • 5-y-dydd 0