Syrlwyn rhôst o Gig Eidion Cymru gyda chnau castan, caws stilton a chennin syfi



Method

  1. Twymwch y popty ymlaen llaw i Nwy 4, 180ºC, 350ºF. Amser coginio Gwaedlyd – 20 munud am bob 450g (1 pwys) ac 20 munud ychwanegol Cymedrol – 25 munud am bob 450g (1 pwys) a 25 munud ychwanegol Trylwyr – 30 munud am bob 450g (1 pwys) a 30 munud ychwanegol
  2. Twymwch olew yn araf mewn sosban a meddalu’r winwns a’r garlleg yn ysgafn – yna rhowch nhw mewn powlen a’u gadael i oeri ychydig.
  3. Ar ôl iddyn nhw oeri, ychwanegwch gig y selsig Cig Eidion Cymru, y briwsion bara, y cnau castan, y caws stilton a’r cennin syfi a chymysgu’r cyfan yn dda. Ffurfiwch selsig bychain gyda hanner y gymysgedd.
  4. Ar ôl creu’r selsig, cymerwch gyllell finiog a gwneud hollt fechan yn y darn o Gig Eidion Cymru - torrwch i’r boced o fraster. Defnyddiwch lwy fechan i roi’r stwffin yn y boced rydych chi newydd ei chreu.
  5. Yna mae’n amser pwyso’r cig a chyfrif yr amser coginio gan ddefnyddio’r dull uchod.
  6. Ar ôl i chi gyfri’r amser coginio, rhowch y cig mewn tun rhostio bas wedi’u leinio â ffoil a’i goginio am yr amser priodol.
  7. Pan fydd y cig o fewn 30 munud i fod yn barod, rhowch y ‘selsig’ stwffin yn y popty.
  8. Tynnwch y cig wedi’i goginio o’r popty a’i roi o’r neilltu am o leiaf 10-15 munud.
  9. Arllwyswch yr holl sudd i sosban fechan gyda’r gwin cynnes a’i dewychu.
  10. Gweiniwch sleisys trwchus o Gig Eidion Cymru gyda stwffin, Pwdin Efrog a llysiau tymhorol.

    Recipe Information

    Serves 6
    Calories 432 kcals
    Cooking Time

    Bydd Angen

    • Darn syrlwyn o Gig Eidion Cymru
    • 1 winwnsyn, wedi’i dorri’n fras
    • 1 ewin garlleg, wedi’i falu
    • 6 o selsig Cig Eidion Cymru, heb y crwyn
    • 50g (2 owns) o friwsion bara naturiol sych
    • 15ml (1 llwy fwrdd) o olew
    • 75g (3 owns) o gnau castan wedi’u pecynnu dan wactod, eu plicio a’u malu
    • 75g (3 owns) o gaws stilton, wedi’i friwsioni
    • 30ml (2 lwy fwrdd) o gennin syfi ffres, wedi’u malu
    • 300 ml (½ peint) o win wedi’i gynhesu (dewisol ar gyfer y grefi)

    Gwybodaeth am faeth

    • Calorïau 432 kcal
    • Egni 1801
    • Braster 24g
    • Braster Dirlawn 10.2g
    • Halen 1.7g
    • Haearn 2.8g
    • 5-y-dydd 0