Anna Hansen Cig Oen Cymru wedi'i rostio a'i farinadu mewn baharat a lemwn



Method

  1. Gwnewch y marinâd yn gyntaf. Cymysgwch y garlleg, y baharat, y tyrmerig, y sinsir, y lemwn, y coriander a'r halen mewn powlen i wneud rhwb gwlyb. Sgoriwch ochr croen y cig oen mewn cyfeiriadau croes, a dylai pob toriad fod tua 12 cm ar wahân. Taenwch y marinâd dros y cig, sicrhewch fod y rhwb yn mynd i mewn i'r croen sydd wedi'i sgorio.
  2. Gorchuddiwch y cig oen yn dynn mewn 'cling film', ei roi yn yr oergell a'i adael i farinadu rhwng 12 a 24 awr. Cofiwch ei dynnu o'r oergell a'i adael i orffwys am awr cyn coginio.
  3. Cynheswch y ffwrn i 180°C/marc nwy 4.
  4. Rhowch y cig oen ar radell fawr, barbeciw, neu blancha a seriwch y cig ar wres uchel iawn nes ei fod yn frown euraidd.
  5. Ar ôl i chi gael lliw da ar y cig oen, rhowch ef mewn hambwrdd rhostio a'i rostio yn y ffwrn am 40-60 munud arall, neu nes ei fod at eich dant chi.
  6. Tra bod y cig oen yn rhostio, paratowch y tatws melys. Golchwch nhw yn dda a'u torri yn ddarnau, gan adael y croen arnynt. Rhowch y tatws mewn powlen ac ychwanegwch y tyrmerig, yr hadau mwstard, y garlleg, yr halen a digon o olew olewydd i'w gorchuddio. Rhowch y darnau ar hambwrdd pobi a'u rhoi yn y ffwrn gyda'r cig oen am y 25-30 munud olaf o goginio.
  7. Tynnwch y cig oen o'r ffwrn a'i adael i orffwys am tua 10-15 munud. Diffoddwch y gwres, ond gadewch y darnau tatws melys yn y ffwrn i'w cadw'n boeth nes eich bod yn barod i weini.
  8. Tra bod y cig oen yn gorffwys, gwnewch y saws sesame du. Cymysgwch y pâst sesame du, y sudd lemwn a'r dŵr i greu pâst tenau, ac ychwanegwch halen a phupur. Os yw'r saws yn rhy drwchus, ychwanegwch ddŵr a'i chwisgio i deneuo'r cymysgedd at eich dant.
  9. Torrwch a gweinwch y goes cig oen gyda'r tatws melys, y coriander wedi'i dorri'n fân a'r saws sesame du.

Recipe Information

Serves 8
Calories 0 kcals
Cooking Time

Bydd Angen

  • 1 Coes Cig Oen Cymru, wedi'i hagor ar led
  • 3 ewin garlleg, wedi'u torri'n fras
  • 1 1/2 llwy fwrdd o bowdwr baharat
  • 2 lwy de o dyrmerig, wedi'i dorri'n fras
  • 2 lwy de o sinsir ffres, wedi'i dorri'n fras
  • 1 lemwn, gyda'r croen wedi'i dorri'n fân a hanner y sudd
  • 1 llond llaw o goriander, wedi'i dorri'n fân
  • 1 llwy de o halen
  • 1kg o datws melys
  • 2 lwy fwrdd o dyrmerig, wedi'i gratio
  • 1 llwy fwrdd o hadau mwstard du
  • 4 ewin garlleg, wedi'u sleisio
  • halen
  • olew olewydd pur iawn
  • 125g o bâst sesame du
  • sudd 1/2 lemwn
  • 125g o ddŵr
  • halen
  • 1/2 llond llaw o goriander

Gwybodaeth am faeth

  • Egni
  • Braster
  • Braster Dirlawn
  • Halen
  • Haearn
  • 5-y-dydd