Rhannwch y dudalen hon

Tuesday 8th December 2015

Cig Oen i blesio’ch gwesteion ar Nos Calan

Os ydych am groesawu’r flwyddyn newydd mewn steil drwy goginio pryd nos i’ch ffrindiau agosaf, bydd y ryseitiau hyn sy’n defnyddio Cig Oen Cymru yn siŵr o blesio.

Nachos Nadolig Cig Oen Cymru

Mae’r nachos crand hyn yn flasus tu hwnt ac yn grêt i’w rhannu o gwmpas y bwrdd. Gweinwch nhw gyda salsa clementin tymhorol a taenwch y Stilton drostynt cyn toddi’r caws o dan gril poeth.

Cytledi Cig Oen Cymru gyda llugaeron a soy

Mae’r cytledi cig oen gludiog hyn yn berffaith ar gyfer noson hwyliog dros y gwyliau. Mae’n cynnwys eich hoff flasau i'ch cynhesu: llugaeron, clementinau a sbeis sinsir. Gweinwch y cytledi mewn bowlen gyda’r satsumas 'dipio’ - iechyd da a Blwyddyn Newydd Dda!

Craceri Nadolig Cig Oen Cymru

Gellir gweini’r craceri cig oen hyn yn oer neu’n boeth, ac felly maen nhw’n berffaith i’w gweini fel canape neu fel rhan o fwffe. Gyda mintys ffres a cwmin mâl, dyma fyrbryd bychan blasus i’w weini i’ch gwesteion. Rhowch fenyn wedi toddi drostynt cyn eu coginio i gael y gorffeniad euraid perffaith.

Risotto Nadoligaidd Cig Oen Cymru

Am saig llai traddodiadol, rhowch gynnig ar risotto Cig Oen Cymru, sy’n llawn blasau’r ŵyl fel seren anise a llugaeron. Gweinwch y saig gyda dail salad cymysg a dail roced i ychwanegu lliw.

Byrgyrs Cig Oen Cymru, llugaeron a Brie gyda chaws Camembert cynnes a saws llugaeron

Mae’r byrgyrs bach hyn yn flasus tu hwnt, a’r llenwad o lugaeron a chaws brie wedi’i ysbrydoli gan yr ŵyl. Gweinwch y byrgyrs gyda'r caws Camembert wedi’i bobi a mwynhau’r dipio, ac ychwanegwch ddarnau o lysiau amrwd i gwblhau'r saig.

Blogs

A ninnau ynghanol Cwpan Rygbi’r Byd...
Fel y gwyddoch i gyd erbyn hyn...
Er mwyn paratoi at Galan Oen 2019 gwahoddon ni bobl ddylanwadol o’r byd blogio bwyd i Benrhyn Gŵyr
Yn dilyn ei lwyddiant diweddar yn rhyfeddu pobl yn sioe BBC Countryfile Live