Cyrri Tatws Melys Goaidd gyda Chig Oen Cymru

Bydd Angen

  • 1 llwy fwrdd o olew
  • 600g o gig oen wedi'i ddeisio (gallwch ddefnyddio coes/ysgwydd neu wddf)
  • 1 nionyn, wedi'i sleisio
  • 2 ffon seleri, wedi'u sleisio
  • 4 ewin garlleg, wedi'u gwasgu
  • 1 tsili coch, heb yr hadau ac wedi'i sleisio'n denau
  • ½ modfedd o sinsir ffres, wedi'i dorri'n fan
  • 3 llwy de o bowdwr garam masala
  • 2 lwy de o bowdwr tyrmerig
  • 1 llwy de o hadau ffenigl
  • Tun 400ml o laeth coconyt
  • 2 lwy fwrdd o biwrî tomato
  • 150ml o stoc llysiau neu gyw-iâr
  • 1 daten felys, wedi'i deisio
  • Halen a phupur
  • Croen a sudd 1 leim
  • Llond llaw o goriander ffres
  • I weini - reis wedi coginio

Dull

  1. Cynheswch yr olew mewn padell fawr yna ychwanegwch y cig oen a'i ffrio nes ei fod wedi brownio. Ychwanegwch y nionyn, y garlleg, y sinsir, y seleri a'r tsili a ffriwch am 2 funud.
  2. Ychwanegwch y sbeisys a throwch am ychydig funudau. Ychwanegwch y llaeth coconyt, y stoc, y piwrî tomato a'r halen a'r pupur. Pan fydd wedi berwi, gorchuddiwch gyda chaead a mudferwch am 90 munud. Ychwanegwch fwy o stoc os oes angen.
  3. Ychwanegwch y tatws melys a pharhewch i goginio am 30 munud neu nes mae'r tatws yn feddal.
  4. I orffen - ychwanegwch y croen a' sudd leim ac ysgeintiwch y coriander wedi'i dorri drosto.

Gwybodaeth Rysáit


Argraffu'r dudalen hon