Lolipops Cig Oen Cymru Crensiog

Bydd Angen

  • Cytledi Cig Oen Cymru (esgyrn wedi'u twtio)
  • Olew i goginio
  • Halen a phupur

Salsa:

  • 1 nionyn coch
  • 2 sialotsyn neu 1 nionyn bach
  • ½ llwy de o halen môr
  • 2 lwy fwrdd o gaprys
  • 1 tsili coch, wedi'i dorri
  • 8 tomato eirin bach
  • 120ml o olew olewydd pur iawn
  • Llond llaw o bersli dail gwastad
  • Llond llaw o goriander
  • Llond llaw o fintys
  • Croen a sudd 1 leim
  • Pinsiad o siwgr

Crwst lemwn crimp:

  • 150g o friwsion bara ffres
  • 30g o fenyn
  • Croen 2 lemwn

Dull

  1. I wneud y salsa – cymysgwch yr holl gynhwysion am ychydig funudau mewn prosesydd bwyd neu, os ydych yn ei wneud â llaw, torrwch yr holl gynhwysion yn fân a'u cyfuno. Bydd y salsa'n cadw mewn jar wedi'i selio am ychydig ddyddiau.
  2. I wneud y crwst crensiog – toddwch y menyn mewn padell ffrio, ychwanegwch y briwsion bara a throwch dros wres cymedrol nes maent yn euraidd, yna ychwanegwch y croen lemwn. Gadewch iddo oeri.
  3. I baratoi'r cytledi – cynheswch olew mewn padell ffrio fawr ac ychwanegwch y cytledi. Ysgeintiwch halen a phupur drostynt a'u ffrio am 3-4 munud ar bob ochr.
  4. I weini: gorchuddiwch bob cytled â'r gymysgedd salsa ac yna'r briwsion crensiog.

Gwybodaeth Rysáit


Argraffu'r dudalen hon