Brisged Cig Eidion Cymru Flasus wedi'i Choginio'n Araf

Bydd Angen

  • Darn o frisged 3-4lb
  • Olew
  • 450ml o stoc cig eidion neu gwrw

Ar gyfer y marinâd sych:

  • 2 lwy fwrdd o bupur du mâl bras
  • 1 llwy fwrdd o siwgr brown
  • 1 llwy fwrdd o bowdwr nionyn
  • 2 lwy de o bowdwr mwstard
  • 2 lwy de o bowdwr garlleg
  • 2 lwy de o bowdwr tsili
  • 1 llwy de o baprica
  • 1 llwy de o bowdwr cayenne
  • 1 llwy de o halen

Dull

  1. I baratoi'r marinâd, cyfunwch yr holl gynhwysion sych. Brwsiwch y frisged ag ychydig o olew yna defnyddiwch eich dwylo i rwbio'r cynhwysion sych dros y cig. Gadewch i'r cig farinadu yn yr oergell am o leiaf awr - byddai dros nos hyd yn oed yn well.
  2. Cynheswch y popty ymlaen llaw i 160C, marc nwy 4.
  3. I goginio, cynheswch ychydig o olew mewn padell ffrio fawr a ffriwch y cig ar bob ochr nes mae wedi brownio.
  4. Trosglwyddwch i dun rhostio wedi'i leinio â ffoil neu bapur pobi, ychwanegwch stoc neu gwrw'n ofalus o amgylch y cig, gorchuddiwch a choginiwch yn y popty am oddeutu 2 awr fesul 450g/1lb o gig nes mae'r cig yn frau.
  5. (Gallwch goginio mewn coginiwr araf ar y gosodiad 'isel' am 8 awr).
  6. Tynnwch o'r popty a gadael iddo sefyll am 30 munud cyn ei gerfio yn groes i'r graen neu ei dynnu'n ddarnau.
  7. Gweinwch mewn ffyn bara gyda gercinau a nionod wedi ffrio.

Gwybodaeth Rysáit


Argraffu'r dudalen hon